events

職人報案室

香港設計職人工會推出「🔍職人報案室」,了解同業面對緊嘅問題同時,希望幫到手或者轉介個案。必要時,仲會公開設計業界嘅害群之馬!非會員亦能參與,歡迎積極報案🛎

立即報案

職人行政專線

職人行政部WhatsApp熱線今日上線喇!由即日起,認住呢個WhatsApp冧把:97633774!有任何問題都可以透過WhatsApp同我哋行政之鬼聯絡,我哋會盡快回覆您。同時間因應疫情嘅關係🦠,工會暫時未能夠舉行活動同埋設置收費站,所以我哋都會透過呢個號碼陸續聯絡返早前已收到電郵確認會籍嘅會員,預約進行收款程序。

立即展開激情對話

設計救難訊號

無論邊一個行業,作為打工仔都會遇到好多職場上嘅疑難,設計師都唔例外。到底咁樣算唔算合理?咁做又符唔符合勞工法例?🧐香港設計職人工會將會開設不定期環節 —「🚨設計救難訊號」,以職場上可能遇到、甚至遇過嘅不同事例設入,嘗試為大家排難解紛。

立即投稿

職人樹窿

專業設計職人,踏上這無盡旅途,就難免承受不同劫難,被西客鬼打牆式折磨、被腦細瘋狂蹂躪、被同事磨滅心志🌚由第一份工果團熊熊烈火,做到變成香爐灰......有無試過Final極都仲要分Version One Two Three?有無試過被人嫌你隻黑色唔夠黑、白色嘢覺得好雞?有無試過覺得自己係部Polaroid,下下都要即要即有?有無每日一個人OT O到覺得空虛寂寞凍?香港設計職人工會明白一路走來嘅您、您同您,決定為大家提供一個樹窿,比大家大呻特呻!

立即投稿